VIDEO: Prisilla Njiraini, Mwene Ngari Íría Ícinirwo Gathúrai Mírúrúnganoiní Kwaria

 Priscilla Njiraini kuuma Komothai, Kiambu níwe mwene ngari múthemba wa Mazda CX5 íria icinirwo úmúthí Githurai híndí ya mírúrúngano.

Prisilla ní múikari wa Kilimani, Nairobi kúria arutagíra wíra wa gwethera andú mawíra ta Human Resource Consultant.

Aroiga úmúthí kíroko níatúmire múthuriwe akagúre indo cia mwako Kamakis tondú kwína mwako araka gwake gícagi.

Video 👇👇👇

Múthuriwe níwe oima na ngarí íyo híndí íría egúthiíte míhang'o yake.

Akinya Githurai nírío akorire mírúrúngano na arúrúngani mamúamúrithia arúgamie ngari yake.

Thutha úcio nímoragire ngarí íyo gícicio (windscreen) na makora thíiní wayo kuuma na gatambaya (scarf) kena maandíko na mícooro ya kíama kía UDA.

Múingí úría uuma na marakara maingí níúcinire ngari yake tondú yuma na gatambaya kau ka UDA.

Video 👇👇👇

Prisilla níararúgama gútuíka MCA wa Kilimani na kiama kía UDA na kúrekúírwo gíkí níkio gítúmi kínene kía múingí gúcina ngari yake nginya gútuíka múhu.

Aroiga níamakíte múno na akamenereria gííko gía gúcina ngari yake akiuga ararigwo kúrúgama gwake ta MCA na kíama kía UDA gútirí handú irakuruhana na mírúrúngano níúndú wa thogora wa maguta.

Thoma haha: Rúhonge rwa úthuthiria (DCI) kúrekereria mbica cia aría macinire ngari múthemba wa CX-5 Githúrai mírúrúnganoini

Rúhonge rwa úthuthiria (DCI) nírúrutíte mbica cia aría macinire ngari íyo na makoria múingí úría úngíkúrana eki naaí acio mahúre namba íno nígetha maikio ngono na mahíngúrírwo thitango cia wíki naaí - 0800722203 kana WhatsApp 0709570000.

Mbica cía eki naaí nício ici 👇👇👇

Morgan Media Tv